La Usc di Ladins

Dai 11 ai 13 de otober n bel grop de 35 jent de la sociazion Pian Pian Bel Bel é jit a se far na bela raida a Viena. Dut l é stat endrezà bel apontin da la direzion e soraldut dal capogrop Gigi Di Chiara.

»Sion pontè demez ai 11 de otober bel bonora e se aon fermà a Melk, dant de Viena, chigiò aon vedù l’Abazia benedetina con la cognosciuda biblioteca antica, duta de legn – ne à contà Marilena Donei del Latanzio. L secondo dì enveze aon vedù i palac più emportanc de Viena, la residenza imperiala Hofburg coi vidores de la prinzessa Sissi, Stephansdom olache na guida n mulge brava ne à spiegà dut cant. Dapò de dotrei sion jic a la Kapuzinergruft, la cripta imperiala di Capuzins che la é sote la gejia, olache l é int sepolii duc i Asburgo. Chigiò è pojà na picola corona su la fossa de Franz Joseph.

De più su La Usc stampèda de vender ai 18 de november.  (Monica Cigolla)