Temp de bilanz ence per la Stazion de Socors da mont del Zenter Fascia. Mingol dant de la fin del an i volontadives se à troà per n moment de condivijion e i à metù dant l’atività del 2022. L Capostazion Luigi Zulian ‘Gigio Cuz’ ne à contà che via per l an passà i à fat 126 intervenc, de chisc 24 col elicoter. En dut l é stat portà socors a 144 persone, la maor part l era jent che é sutada ju, dapò l é jent che no é più bona de jir inant sa mont o sui troes. »Più che auter l é taliegn (126) anter i 20 e i 60 egn – à dit l Capostazion Zulian. Ge aon portà socors ence a 7 todesć, 2 cechi, 2 spagnoi e 1 american. Jon fora soraldut d’istà, l an passà aon tacà prest, col meis de mé. La jent va sa mont zenza cognoscer ben l teritorie, zenza l material aldò e no la se cruzia de vardar le previjion del temp. La mont la é desche l mar, fora de n bel nia l pel doventar catif. N gran intervent, a chel che aon tout part ensema a duc i autres socoritores, l é stat la levina de la Marmolada che ne à dalbon tocià. Noi sion duc volontadives e fajon chel che podon, meton a la leta nosc temp per l ben de la comunità e ogneun l é prezious ence se l fasc demò un intervent te n an«.
De più su La Usc stampèda de vender ai 20 de jené.
(Monica Cigolla)
Socors da mont Zenter Fascia, 126 intervenc
Del 2022 la Stazion vidèda da Luigi Zulian Cuz à comprà na neva jeep e i cingoi per l quod. La tol ite 39 socoritores.
Galaria retrac
View the embedded image gallery online at:
https://www.lausc.it/valedes-ladines/fascia/22307-socors-da-mont-zenter-fascia-126-intervenc#sigProIdf9df3a9fd2
https://www.lausc.it/valedes-ladines/fascia/22307-socors-da-mont-zenter-fascia-126-intervenc#sigProIdf9df3a9fd2