La Copa Tèlia de rampinèda rua a Ciampedel!

Data

23 de jené 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 13 e ai 14 de mé l é en program al ADEL la seconda gara Lead del Zircuit talian de rampinèda sportiva.


L é ruà chisc dis la conferma da man de Federclimb, la Federazion Talièna de Rampinèda Sportiva, che la strutura ADEL de Ciampedel ge darà lèrga a la seconda gara de Copa Tèlia Lead. La garejèda del Zircuit talian ruarà te Fascia ai 13 e ai 14 de mé.

»Sion contenc per chesta bela neva ajache do l Campionat European Lead e Speed endrezà del 2017 no aon abù più nience na garejèda« ne à dit Alison Prinoth del Fascia Climbing, la sociazion che rencura la strutura. »Nosc zil resta semper chel de la promozion de la rampinèda sportiva chiò te noscia Val, ma bensegur garejèdes de chesta sort ge fèsc vegnir gran gaissa ai joegn. A fèr chesta gara ruarà personajes de nonzech, desche Stefano Ghisolfi, forc tant te la Tèlia ma soraldut a livel internazionèl. Sarà na emozion poder vegnir a veder la garejèda e chisc gregn atlec de nosc sport«.

De più su La Usc stampèda de vender ai 20 de jené.  (Nicoletta Riz)