La Usc di Ladins

L era demò 4 ponts al orden del dì del Consei General chiamà ite en jebia ai 18 de e ret da la vizepresidenta del Consei Lisanna Cincelli, ma un de chisc l era dassen de gran peis.

L Pian sozièl de Comunità del Comun General de Fascia, prejentà da la Conseiera de procura del CGF Mirella Florian e aproà da dut l Consei a una l é defat n codejel de passa 120 piates e l é l frut del lurier peà via al scomenz del 2021 e che à volù tor ite na bona pèrt de la comunanza.

Na ocajion – à sotrissà l procurador Bepe Detomas che l à ence rengrazià la Conseiera de procura – percheche chest Consei posse esser ence n post olache se se rejona, e rejonèr de la situazion, di besegnes e di problemes de noscia val l é semper emportant.

De più sui contegnui del Pian Sozièl per la comunanza de Fascia l é da poder lejer su La Usc stampèda de vender ai 26 de mé.  (Lucia Gross)