La Usc di Ladins

De el no se troa scrit trop, alincontra da el scì, enceben che no publicà. Fabiano Dantone de la Menina, da duc coscosciù desche Fabio, autor de sacotanta mascherèdes l é mort acà 20 egn, ai 5 de mèrz del 2004. Nasciù ai 20 de november del 1949, l se à dat ju te la comunità tel mond del volontariat: l é stat te la Crousc Biencia, coi Studafech, ti Alpins. L é stat te anter chi che entorn la fin di egn Setanta se à dat ju per meter su l Grop de la Mèscres de Dèlba e Penìa, n grop de volontadives che aea a cher l Carnascèr fascian, chel più sćiantif e veior, fat de mascherèdes e joenec che se tirèa ite an do an i guants de la Gran Mèscres. La tradizion jia do brea ju ma el, dessema a Giulio, Ezio e Paul Pilon, Gigio de Zeli, Guido de Ricardo, Tita de Poldo, Gianfranco de Janat, Adolfo de la Lis e de etres, i se à cordà per se meter adum acioche la vegne tegnuda su. 


De più su chesta mascherèda, che vegn portèda dant endodanef la sera de mèrtesc da Carnascèr, l é da poder lejer su La Usc stampèda de en vender ai 9 de firé.  (Nicoletta Riz)