La Usc di Ladins

‘Pinocchio a cent mans’ l é doventà Pinocchio a 262 mans. 131 bec de la scola populèra de Poza à empienì de gaissa, de viveza, de colores e de naturaleza la gran paladina del PalaDolomites per portèr en scena en mèrtesc ai 6 e en mercol ai 7 de firé la storia de Pinocchio. Da chi de pruma a chi de quinta clasc, duc chenc é doventé Pinocchio, la fata, l giat e la bolp, Mangiafuoco, i dotores, la montagnoles e l pesc-cian. Duc chenc ensema à viventà la storia de chel buratin che doventa n bez feruscol, che no ge pièsc jir a scola e che conta bujies, ma che a la fin l doventa n bez valent e coscienzious.

N projet che someèa empossibol, n percors lonch che à domanà la sinergia de n muie de realtà del teritorie, percheche tedò l spetacol l é n lurier gran e sconet e tor ite 131 bec l é n sforz dalbon ecezionèl.

De più su La Usc stampèda de en vender ai 16 de firé.  (Monica Cigolla)