La Usc di Ladins

L amor per nosc teritorie, per sia èrt e cultura e per si prodoc, ma ence la consaputa del valor de fèr rei anter eles e de orir neva strèdes de promozion imprenditorièla l é i elemenc a fondament de n event particolèr che é stat endrezà en domenia ai 5 de me al nef Dolomiti Exclusive de Sèn Jan. 

I protagonisć de chest domesdì, dal inom »Aurona ores e picola boles« l é stat la beleza e l gust.

Dut é peà via da la lejenda ladina de Aurona, contèda da Tatiana Tulini, che à compagnà i partezipanc te n mond encantà, con si simboi e segnificac che é doventé ogec unics col lurier artistich de la porzelana de Limoges, la creida de noscia tera e l òr: preziousc de valor tant materièl che emotif de Aurona Ores de Katiuscia Rasom e Carlotta Nemela. 

La colaborazion con Manuela Belli de Dolomiti Exclusive e con Elena Vian, chef con esperienza sorafora nesc confins che se à spezialisà tel cojinèr te la cèses di avantores, à dat l met de fèr cognoscer n nef spazie refinà olache l é stat l met de cercèr magnadiva particolèra gourmet e picola boles de valuta.

De più su La Usc stampèda de en vender ai 17 de mé.  (LG)