La Usc di Ladins

Aer n sozio de 102 egn no l é na roba da duc i dis, ma poder ge consegnèr la tessera, ti medemi dis, adertura a doi sozi che à passà l secol de vita, l é dassen vèlch de straordenèr. Chest tant ge é sozedù a l’Union di Ladins de Fascia, per cajo, la setemèna passèda.
En mercol ai 10 de setember te noscia senta te Ciasa de la Moniaria a Sèn Jan l é ruà Arrigo Deluca Zocol; el l é da Poza ma enciasà da egn a Trent, olache l é stat ensegnant a la scola magistrala e dapò diretor didatich e vigni istà l vegn te Fascia. L à compì i 100 egn ai 23 de mé del 2023 e en mercol ai 10 de setember l é vegnù te noscia senta a se fèr la terrera de l'Union.
Ence Giuseppe Dellantonio, menacrep più cognosciù desché ‘l Bepi Tasin’ l à passà oramai da più che 2 egn la sèva del secol, ajache l é nasciù ai 16 de mèrz del 1923. L é sozio de l'Union e abonà al boletin Nosha Jent segur da amancol 40 egn, ma fazile amò de più.
En jebia ai 11 de setember, inant che l se n vae de retorn a Trent, l é stat l met de ge consegnèr la tessera de l'Union e de ge sporjer vèlch liber.

Se pel lejer dut su La Usc nr 36 dai 19 de setember, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.

 (LG)