La Usc di Ladins

Da pech l é se n jit l’ultima neif dai spic di monc e, ades che l é fenì la scola, se pel dir dalbon che l istà l é scomenzà. I ultimes dis de lezion l é stat ence l’ocajion per fèr n bilanz sui meisc te clas e, per i studenc-atlec che à tout pèrt al projet Ski & Ice College, per vardèr en do e fèr vèlch valutazion sun sia sajon agonistica. 
En jebia ai 28 de mé studenc, arcedadores, dozenc-tutor e raprejentanc de la Istituzions se à binà vin Fraine, apede a l’area de Freestyle Fassa Gravity de Sèn Jan, per n moment de festa olache se à podù ge dèr luster ai joegn atlec che à arjont resultac de valuta dal pont de veduda sportif e ge fèr n bel batiman a duc i studenc che tel invern se à dat ju con gaissa enlongia portoes da neif o su ciampes giacé. 
L maor recognosciment ge è stat fat a Flora Tabanelli, atleta de valor mondièl, per la medaa de bron olimpica otegnuda tel ski freestyle a Livigno ti ultimes Jeghes Olimpics de Milan-Cortina. Flora, ruèda te Fascia da l’Emilia ensema a si frèdes Irene e Miro per conjobièr studie e sport, chest an la fenesc so percors scolastich al liceo artistich de Fascia, do ge aer portà gran luster a la Scola Ladina e al projet Ski & Ice College fascian.

Podede lejer dut su La Usc stampèda dai 12 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Thomas Zulian)