La Usc di Ladins

N letor ne à segnala la situazion de dejodech che tocia l Stònt de Ciampedel: tel fèr i lurieres per la neva forenadoa la postazion olache n'outa l era l tulac per trèr a 240 metres é stata dessatèda e la tabela é stata roinèda e metuda ju a zeche vida, no te sie post. Canche del 2018 l era stat restaurà e avert l Stònt desche sezion del Museo Ladin de Fascia, chela postazion era stata neteèda fora dai Scizeres e l era ence stat proponet de restaurèr e meter su endodanef l tulac che se veit tel retrat su la tabela: l Comun se aea dit a una e zenza gran lurier se aessa podù valorisèr n toch de noscia storia.