La Usc di Ladins

Dlungia les tröpes onoranzes y i tröc reconescimënc che le professur Paul Videsott á bele podü pié do, n’él gnü pormez dan da püch un dër particolar. Ai 24 d’aurí él gnü nominé a Roma ciavalier dl Ordin de San Iöre dla Ciasa de Habsburg-Lothringen. Aldí baian de ciavaliers tl 2026 pó ti soné a valgügn daldöt forest o fora dal tëmp, y belavisa messunse ince fá n salt de cënc de agn por capí de ci che ara se trata. La storia dl Ordin de San Iöre vá zoruch al rëgn d’Ungaria dl 14. secul y é lié toch adöm cun la storia y le spirit dl imper austro-ungarich.
La strotöra n’á nia plü diretamënter da fá cun les funziuns che l’ordin â ciamó dan da secui. Incö él da intëne sciöche assoziaziun plülere elitara. Les porsones vëgn tutes sö ma sön proposta de d’atri mëmbri, do che al é gnü fat na valutaziun menüda y do che la porsona s’á detlaré a öna cun i valurs dl Ordin. Y chël ó dí n Ordin de stamp cristian y conservatif, che crëi te na Europa unida di popui, sciöche ara ê tles idees politiches dla ciasa de Habsburg, y che se tol dant da tigní alalt l’aspet caritatif y sozial.

Deplü podëise lí t’La Usc di Ladins di 3 de messé, olache i ciafëis ince na intervista cun le prof. Paul Videsott.  (pablo)