La Usc di Ladins

Ti trei licees scientifich, artistich e ladin di lengac de la Scola de Fascia, chest an l é stat 81 studenc che à fat l ejam de matura. Demò n student é vegnù fora co la valutazion più bassa de 60 sun 100 e ben 14 à passà via 90/100.
La valutazion mesèna per clas passa via l 80 e no la va mai sot l 78; la valutazion maora l é te la V linguistich sezion A, che à arjont na media de 88,9. Cater studentes (dut eles) se à vadagnà la maor stima de 100/100 ma no l é stat nesciuna lauda. Lauda che enveze é stata arjonta forin Fiem da na studenta fascèna: i doi 100 arjonc te duta la sezions de Pardac e Ciavaleis i é duc doi de studenc de Fascia.
Cater laudes ence anter i 100 scolees che fat l ejam de scola mesèna te la trei scoles de Ciampedel, Sèn Jan e Moena: ai joegn da lauda ge aon fat vèlch domana. 

Podede lejer dut su La Usc stampèda dai 17 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)





 (Lucia Gross)