La Usc di Ladins

Ogni an Legambiente la dà fora la Bandiera Verda a luoch, paisc, associaziogn e persone che à laurà per defende l teritorio e sua natura. Sto an una de cheste Bandiere la é stada dada a Fodom, per avè dat importanza nte la gestion aministrativa del pais ai sforz contra l mudament del clima e per la partecipazion a l’Agenda 2030, per valorizà l patrimonio natural ricugnessù dal UNESCO nte le Dolomiti.
L riconosciment l é lié soraldut a l’opojizion al “Carosello delle Dolomiti”, l proget per na serie de lifc che avesse da colegà Reba e Anpezo e passà per la zona dei Setsass e de Chierz, che a dite de Legambiente avarava conseguenze saldi negative per l teritorio.

Martino Pezzei