Dan doi enes, puech dan che stlujan la redazion, ans mo repurtà n curt di prim resultac dla nrescida epidemiologica te Gherdëina n con’ dl Covid-19, la malatia gaujeda dal coronavirus nuef, de na scumenciadiva a livel provinziel.
Ades 2.200 à fat pea
L fova unì cris ora 2.958 persones de Gherdëina dal Astat, l Istitut provinziel de Statistica. De chisc àl pona fat pea efetivamënter l 74%, che ie 2.194 persones. O dit negativamënter, l 26% ne à nia fat pea. L se trata, da coche l ie unì dit, »de na proa scialdi reprejentativa dla jënt de Gherdëina, de duta la fasces d’età di luesc dla valeda.« A duc chëi che ie unii crisc ora ti iel unì fat na proa dl sanch y l tampon tl nés y tl col. Leprò iel mo unì fat y n ie inant tl lëur de fé na tueda y nrescida genetica, per abiné ora – almanco spèren-, sce l ie danman elemënc o fatores de scunanza, de prutezion, o, al incontra, de risia sibe per giapé la nfezion, che per s’amalé plu o manco sceriamënter.
Duc i articuli, cun vel’ reflescion, tla edizion stampeda di 26 de juni.
David Lardschneider
FOTO: Ntan la prejentazion dl test che ie unì fat dala istituzions provinzieles per udëi tanc de Gherdëina che ie stac amalei de coronavirus.
Tests coronavirus te Gherdëina: na udleda plu avisa
Galaria retrac
View the embedded image gallery online at:
https://www.lausc.it/valedes-ladines/gherdeina/12970-tests-coronavirus-te-gherdeina-na-udleda-plu-avisa#sigProId2d943c8425
https://www.lausc.it/valedes-ladines/gherdeina/12970-tests-coronavirus-te-gherdeina-na-udleda-plu-avisa#sigProId2d943c8425