La Usc di Ladins

La iuria dl »Pest Nternaziunel Tacita Muta per la mendranzes linguistiches«, cun i cumëmbri Neria De Giovanni presidënta, Pierfranco Bruni, Eva Eckkrammer, Antonio Maria Masia y Valentina Piredda, ti sëurandà la cuarta edizion dl Pest a Rut Bernardi per la mendranza de rujeneda ladina.
Cun gran plajëi per la scritëura y scienzieda Rut Bernardi, y tl medemo mumënt cun gran plajëi per duta la Ladinia leterera y culturela ma nia mé, ti iel a Bernardi dan n valgun dis unì scrit da Roma che la ie unida crissa ora per l Pest »Premio Internazionale Tacita Muta per le minoranze linguistiche« 2021. La sëurandata y la festa fossa stata a Roma n dumënia ai 21 de fauré. Danz che Bernardi ne n’à nia pudù furné ju, per la situazion che cunescion, ma i urganisadëures à scrit che i fajerà la sëurandata plu inant.

Deplù tla edizion stampeda di 26 de fauré. (dl)

Foto: L di dl 21 de fauré ie unì dedicà dal’Unesco ala rujeneda dl’oma. Tl’Antica Roma fova chësc l di per la ninfa Tacita Muta