La Usc di Ladins

Te chisc ultimi doi ani se on duc ntendù tan mpurtant che l ie a vester dedora, se muever y dantaldut vester n cumpanìa. Do n bur' tëmp tl scumenciamënt dl 2020, canche dut chësc ne fova nia mesun, à i cumëmbri dl GAG – la Grupa Alpinisć Gherdëina – riesc inò scumencià a jì a crëp, urganisan nce vel' blòta jita deberieda. Sté dedite deberieda a truepa jënt ne fova giut nia plu mesun, perchël ie la senteda generela, de solit unìvela for fata una dla prima sëires de jené, tumeda ora doi ani ndolauter. Ai 5 de jené de chëst ann iela finalmënter inò unida a s'l dé. Tl local Saut dla Nëus Jëuni Gherdëina a Urtijëi se àl ancuntà feter trënta cumëmbri.