»Stop ai joleri privac sun Secëda«

Data

22 de merz 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La petizion online metuda su dal cumerzialist Hugo Perathoner à auzà su n gran stuep. Na cuestion de chëla che l vën bele rujenà da giut incà, ma ulache n ne n'à mei drë' fat de gran vares inant
La petizion ie unida publicheda sun la plata change.org, y se damanda de »fermé i joleri che dà sëura per plajëi sun Secëda, che ne n’ie nia mutivei da gaujes de salvataje«, a dì de: i joi turistics, chi che va a se fé na raida cun l joler per ti cialé al patrimone Unesco dla Dolomites o chi che se lascia mené sa mont per jì nzaul a marënda. Sëuraprò vëniel nce scrit che i cuntroi ne vën nia fac aldò, davia che l decret dla Provinzia rejona de al plu cënt iedesc al ann te chël che n daussa dé sëura per gaujes de plajëi. »Dà ti cuntribut per fermé chësta matità che va contra n panurama spetaculer coche chël de Secëda.«
Aldò dl autëur dla scumenciadiva, Hugo Perathoner, vàla danter l auter nce de pensé ala definizion urmei tëuta ca scialdi suvënz de »turism de cualità«. L se damanda: »Sce sies persones jola su sa mont a marënda y 20.000 persones à la fuera, ie pa chël pona turism de cualità?«

L articul tla edizion nueva de La Usc di Ladins doduman vënderdi ai 24 de merz.

Bruno Maruca