La Usc di Ladins

N vënderdi sëira dl’ena passeda iel stat la giaurida dla mostra »Hyper­ballad« tl Tublà da Nives te Sëlva. Chëst iede iel unì adalerch artisć y artistes nia de Gherdëina: Miriam Falkensteiner, Philipp Putzer y Mischa Sanders. Tres scultura, tesć y chedri ài ulù spieghé n cunzet ntur­tidlà y nia for tan saurì da ntënder coche persona. Nscila iel nce unì spiegà pra la ntroduzion, che l semea sciche sce vivessan te n mond de estrems. N microchip possa vester plën de truepa nfurma­zion che n possa belau nia se imaginé, tl medemo mumënt iel nce tan na gran cuantità de uele tl mer che n possa ënghe nia se imaginé.
Coche persona ne se pòssen nia plu drë’ imaginé chësta scala tla mesures che l ie al didancuei. Nscila muessen belau crië n autra imagina­zion de tëmp y de luegia. Ie pa la persona miëura de capì chësta tema­tica astrata y l liam danter persona y cuntreda, sce la vën repre­jenteda tres l’ert?

Julia Lardschneider

L articul tla edizion nueva de n vënderdi 9 de juni de La Usc di Ladins.