La Usc di Ladins

De auril de chëst ann fova l jëunn Daniel Bernardi danter i prims a ruvé pra la stazion dal penzin a Kollmann, ulache n auto fova frit ora de streda. La stazion dal penzin y l auto ova pià fuech. L ël che fova tl auto ne fova nia bon de unì ora, davia che l se ova rot na giama. Daniel Bernardi y n ël de Laion, Markus Wieland, che fova nce per cajo iló, ie debota sautei via y à trat l ël ora de auto ti salvan la vita. Per avëi sapù co se cumpurté y avëi desmustrà n gran ardimënt, ie Daniel Bernardi y Markus Wieland n l di dla Gran Santa Maria unii nviei a Dispruch tla Hofburg. Iló ti à i presidënc dl Südtirol y dl Tirol, Arno Kompatscher y Anton Mattle sëurandat na Bedaia per l salvataje.

L articul tla edizion nueva de La Usc di Ladins de doduman vënderdi ai 18 de agost.

Elisabeth Kostner