La Usc di Ladins

"Ai 14 d'agost sun la sëira te duta Gherdëina rujenoven mé de un n avenimënt: Carlo da Frëina fova deventà campion dl mond dl schi tl slalom a Portillo tl Cile", nsci iel scrit tla zaita Nos Ladins ai prim de setëmber dl 1966. Ntlëuta ti òven fat na gran festa a d'ël, ma nce ai autri campions de Gherdëina che se ova fat unëur tl Cile sot ala guida dl trainadëur Hermann Nogler da Vidalong.

Chësc merdi che vën, ai 24 de utober, festejea Carlo Senoner 80 ani. Nasciù iel tl 1943 ta Frëina te Sëlva coche un di mëndri mutons de na gran familia de dodesc fredesc y surans. Bele cun cater ani òvel scumencià a jì cun i schi sun l purtoi dl lift da Frëina de si pere.

La pascion per chësc sport fova granda y nsci iel tl 1958 zapà ite tla naziunela taliana de schi. Tl 1961 àl venciù la garejedes de slalom y slalom lerch dla "3-tre" a Cianacei y pona tl 1966 si majer suzes: la bedaia d'or tl slalom ai mundiei de schi a Portillo.

L articul ie da liejer tla edizion nueva de La Usc di Ladins

Elisabeth Kostner