Dan otedé él sté da odëi nüsc atlec Kilian y Kevin sön i ciamps da tennis a Verona
De messé á i nüsc dui atlec davagné le titul provinzial Under 14 y á podü tó pert sёgn ala spana finala macroarea nord est a Verona. A chёsta fasa finala s’á cualifiché ot scuadres dl Trivenet: döes dla provinzia dl Friul, trёi dl Venet, döes dl Trentin y öna da Balsan. Te chёsc turnier vёgnel soghé dui singolars y n dopl.
En vёndres á i sogadusc dl Tennis Club Ladinia soghé cuntra i sogadus dl Tennisclub Porcia da Pordenon. Kilian y Kevin á davagné trami i singolars y ince le dopl y á spo soghé la semifinala in sabeda cuntra la scuadra de Vicenza. Ince en sabeda ti ára dёr buté a nüsc atlec, trami á davagné la partida y é insciö rová te finala. La domёnia êl spo da soghé la finala cuntra
la scuadra dl Tennisclub Scaligero da Verona. Chisc sogadusc é scialdi bogn y les partides ê bindebó valies. Do cuaji trёi ores de partida ê le resultat de 1–1, chёl ó dí che le dopl ê dezisif. La partida dl dopl ê ince dёr combatüda. I sogadus dl Verona á davagné le pröm set, mo Kilian y Kevin á combatü inant y á davagné le secundo set. Deache les scuadres ê indó a parité de punc ê le championstiebreak dezisif. Ince indó chësc é sté dёr combatü, y ala fin él gnü davagné da nüsc atlec. Cun chёsta devёnta é Kilian y Kevin campiuns dl Trivenet y s’á cualifiché por i ,"final 8" nazionai, olache al se incunta les mius 8 scuadres dla Talia. Ai sogherá chёsta fin dl’edema a Savona. I ti aodun düt le bun a Kilian y Kevin por la fasa finala a Savona!
N rengraziamёnt y n lalt ti va ince al alenadú Fabio Dallapiazza che á acompagné nosc sogadus a Verona y por döt so impёgn ia por l’ann tratan i alenamënc .
Tanya, Tennis Club Ladinia
