La Usc di Ladins

David á 14 agn, al fej la terza mesana. Süa gran pasciun é le sport, en particolar le schi y tratan chësta sajun da d'invern l'ál desmostré cun les tröpes medaies che al á concuisté. Do avëi davagné deplü gares provinziales, s'ál alzé fora tl »Alpecimbra FIS Children Cup« (ex trofé Topolino, ndr) y tl trofé Pinocchio, olache al é rové sön le scalin plü alt sides tles finales nazionales co internazionales. Tratan l'ultima fin dl'edema ál tut pert al trofé Fosson, olache al á ince ciamó concuisté trëi ors y n arjënt. Sües spezialités é le slalom, strënt y lerch, mo ti campionac nazionai ál ince davagné n SuperG. Al á motivazuiun y determinaziun, na gran vëia da davagné y da rivalisé y ince le some da podëi garejé n bel de te Copa dl Monn. 

I ún incunté David y ti ún fat n valgönes domandes. L'intervista podëise lí tla ediziun stampada da incö, vëndres ai 16 de aurí.   (kp)