En vëndres ai 6 d'agost éra tan inant. Te döta la Talia vál en forza le »Green Pass«. Le »Green Pass« ciafa chi che á fat öna o tramesdöes les doses dla variora, chi che á albü le virus y é varis o chi che pó mostré sö n test asvelt o PCR negatif, nia plü vedl co 48 ores. Le Pass é scrit dant por jí te locai stlüc, chël ó dí te bars - nia sce an se bër le café pro banco - restoranc, nodadoies, saunes, palestres, zëntri bëgnester y museums. La zertificaziun vërda mëss ince gní mostrada sö por tó pert a festes y manifestaziuns alaleria.
Degun Pass por sojorné ti hotí
Le decret che fej jí en forza le »Green Pass« á trat sö n pü' de stöp y é sté gauja de val' malsegurëza dantadöt danter i ostis che ne savô nia co se comporté cun i sciori de ciasa. La lege ne spliga nia avisa sce an adora le Pass ince por consumé tl bar y tl restorant dl hotel. En lönesc sëra á la Lia di Ostis-HGV dl Südtirol dé fora na interpretaziun che messass ester tlera: por le momënt ne mëss i sciori che röia adalerch nia mostré sö le »Green Pass« por mangé y bëre tl bar y tl restorant dl hotel.
Deplü podëise lí tla ediziun stampada d'La Usc di Ladins da en vëndres ai 6 d'agost. (kp)
Al vëgn le »Green Pass«, mo nia por sojorné ti hotí
Da en vëndres ai 6 d'agost él scrit dant le »Green Pass« por podëi jí daite, te bars, restoranc, nodadoies, zëntri bëgneter y museums. Dla zertificaziun vërda vára ince debojëgn por festes y manifestaziuns alaleria, mo al momënt ne l'adora nia i sciori che röia te hotel
Galaria retrac
View the embedded image gallery online at:
https://www.lausc.it/valedes-ladines/val-badia/16629-al-vegn-le-green-pass-mo-nia-por-sojorne-ti-hoti#sigProIda717fb9879
https://www.lausc.it/valedes-ladines/val-badia/16629-al-vegn-le-green-pass-mo-nia-por-sojorne-ti-hoti#sigProIda717fb9879