Por 20 comuns te Südtirol vélel a chësta manira cina en la vëia de Santa Maria (ai 7 de dezëmber 2021) regoles plü posoces, danter chisc comuns él ince Santa Cristina y Urtijëi te Gherdëna; i comuns dla Val Badia s’l’á cavada por i numeri de infeziuns nöies restá scialdi stabii tla ultima edema, scebëgn che p.ej. Badia, San Martin de Tor y Corvara á dötaurela dorata cotan de caji atifs da mostré sö.
Dla situaziun dles regoles che
View the embedded image gallery online at:
https://www.lausc.it/valedes-ladines/val-badia/17853-balsan-scri-dant-regoles-posoces#sigProId0afd0d3e73
https://www.lausc.it/valedes-ladines/val-badia/17853-balsan-scri-dant-regoles-posoces#sigProId0afd0d3e73
Ci che vel te döt Südtirol
L’ordinanza é gnüda firmada dal presidënt dla Provinzia Arno Kompatscher sön proposta dl assessur provinzial ala sanité Thomas Widmann. Les mosöres é gnüdes laurades fora dai responsabli dla Aziënda sanitara provinziala en sintonia cun le Ministér dla sanité, cun le fin da se paré da n aumënt maiú dla pandemia.
Sura döt Südtirol (nia ma ti comuns cöci) dess le mascherot gní vistí te düc i seturs interns aldefora dla ciasa privata, y ince alaleria canche ara ne vá nia da tigní ite le meter de destanza danter les porsones. Le dovëi dl mascherot vëgn ince apliché por düc i amudlamënc de porsones, donca ti zëntri di paisc y dles cités, tles plazes, söi marciá y tles codes dan ofizi o d’atri sorvisc.
Söi trasporc publics á i passajiers sura i 6 agn da se trá sura n mascherot dla sort FFP2. Les discoteches, i locai da bal y strotöres ecuiparades é stlüc sides daite co defora.
Les scolines, scores y les ciases de palsa y cura ne vëgn nia limitades y resta davertes cun les condiziuns dles ultimes edemes.
(Iaco Rigo)