La desćiaria de Col Maladët müda gestiun y orars

Data

08 de fauré 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La sozieté de reziclaje PRA Srl da Bornech surantol la gestiun dla desćiaria de Col Maladët. I orars de daurida mudará ma la sabeda 
Cun le 1. de forá é mudada la gestiun dla desćiaria de Col Maladët, che passa dales mans dla sozieté Chiocchetti de Fascia, ala PRA Srl da Bornech. La desćiaria é sön le terac dl Comun de Badia mo vëgn, tres na convenziun, aministrada dal Comun da Corvara, che á stlüt jö n'acordanza cun la sozieté de reziclaje dla Val de Puster. Chësc mudamënt de gestiun ne comporta nia variaziuns a livel de organisaziun y ince i colaboradus á podü mantigní so post de laur tla desćiaria. Ci che müda – ince por ti jí incuntra ales ghiranzes de deplü categories – é l'orar de daurida dla sabeda, che sará da sëgn inant dales 8:30 cina les 12:30. Anfat resta i prisc, sciöche ince i orars de daurida i atri dis; insciö án la poscibilité da condüje le refodam sön Col Maladët de lönesc, mercui y vëndres dales 13:00 ales 18:00, de mertesc y jöbia 7:00 ales 12:30. Les domënies y i dis de festa romagn la desćiaria stlüta.  (kp)