Le liber gnü fora dan püc dis sciüra sö de por de n gran stöp, nia ma te Südtirol. Ara nen vá tl liber dla publicaziun de telefonades brisantes do les ultimes lites provinziales (2018) danter ex politics desco Luis Durnwalder, danter le ex chef dla SAD Christoph Perathoner, l’impresar dles corieres Ingo Gatterer y d’atri aturs. Tl’aria él la speculaziun che al sides gnü fat iadô le spiné de partí y dles istituziuns presciuns personales (de vigni vers, cinamai organisan articui te foliec) por indeblí le presidënt dla Provinzia Arno Kompatscher y deloje – adorassá, dan la conferma dla Junta provinziala – Daniel Alfreider dala Junta provinziala y dantadöt dal ressort dla mobilité.
Le "scandal SAD" – desche al vëgn nominé – röia te chësc liber ince cun les grifes tla Val Badia (é pö Daniel Alfreider da Calfosch), dantadöt a gauja de intervenziuns atives de Albert Pizzinini da La Ila (chi tëmps aconsiadú de comun a Badia y secreter di LADINS) y Oscar Alfreider da Corvara (funzionar alt dl Turism tla Alta Badia).
La Usc di Ladins scriará deplü proscimamënter tla ediziun scrita söl "scandal SAD" y söl complotism probabl!
Jasmin Ladurner (SVP): "Déde les dimisciuns!"
L’ex aconsiadëssa provinziala dla SVP Jasmin Ladurner á publiché n post critich y dessenus ti confrunc de plü funzionars dla SVP, do la publicaziun dl liber de Artur Oberhofer y Christoph Franceschini "Freunde im Edelweiss"
Galaria retrac
View the embedded image gallery online at:
https://www.lausc.it/valedes-ladines/val-badia/19025-jasmin-ladurner-svp-dede-les-dimisciuns#sigProIda6731a3d12
https://www.lausc.it/valedes-ladines/val-badia/19025-jasmin-ladurner-svp-dede-les-dimisciuns#sigProIda6731a3d12
