La Usc di Ladins

Do dui agn de limitaziuns y regoles strëntes che á condizioné dassën la vita dla comunité, nes lascia la pandemia sëgn indô tra le fle. La jënt röia adöm y pó fá festa deboriada. Insciö án podü organisé te dötes les cöres dla Val Badia de beles festes por i mituns y les mitans dla Pröma Santa Comuniun, adöm cun döta la comunité. A Badia, La Val y San Martin é la festa garatada la domënia ai 8 de ma. En domënia ai 15 de ma á ciafé le sacramënt i mituns y les mitans da Corvara y Calfosch, La Ila, Lungiarü, Rina y Al Plan. A La Pli y Rina gnará la festa organisada en domënia ai 22 de ma y a San Ciascian sará la Pröma Santa Comuniun en domënia ai 29 de ma.  (kp)