La Usc di Ladins

Le jüch dl palé, y en general le sport, é na scora de vita che ti insëgna ai mituns, bele da pici insö, valurs importanc sciöche le »fair play«, le tigní adöm y le respet; al é valurs fondamentai por la vita da vigni de, por vire adöm cun d'atri, tla sozieté. Aldedaincö mët man i mituns bele dër da pici da fá pert de na scuadra de palé y da fá partides te n campionat. Tl'Alta Badia él cater scuadres: l'U8, alenada da Michele Piscopia, Alfonso Caso y Fabian Laera, l'U9 cun i alenadus Alessandro Fregni, Arnold Valentini y Alex Irsara, l'U11, alenada da Ubi Valentini y Enzo Aricó y l'U13 cun i alenadus Emanuel Gravino, Oksar Irsara y Carlo Comploi. Implü él la scuadra U15, che é metüda adöm da sogadus dl'Alta Badia, da La Val y da San Martin. Chësta é alenada da Hanspeter Graffonara, Günther Fistill y Vito Miribung. Iniann n'él nia garaté da mëte en pe na scuadra Juniores (U18), y insciö á i sogadus plü jogn podü soghé cun la pröma scuadra, l'ACD Val Badia, che n'á baldi nia desfiré so miú campionat. Mo co é pa pordërt l'interes di mituns por le jüch dl palé? Co fej pa i alenadus dai motivé y cai é pa i valurs plü importanc che ai dess ti porté pro ai mituns? I nen un baié cun Ubi Valentini, presidënt dl'US Alta Badia.

L'intervista podëise lí tla ediziun stampada da en vëndres ai 8 de messé.   (kp)