La Usc di Ladins

Avisa dan da n ann se esibî les Ganes tla dlijia da Urtijëi, da olache ares é piades ia cun le tour por lascé aldí les cianties de so ultim album, »Or brüm«, gnü fora l'ann passé. N tour che á messü aspeté, che é gnü arforé dala pandemia, mo che é spo garaté en chësc isté, olache les Ganes á podü se lascé odëi sön n gröm de paladines di Paisc Todësc y che les á condüt ince tl Südtirol: de jügn ares fat n conzert a Balsan y en jöbia ai 8 de setëmber a La Val, so paisc Nadé. Le conzert é gnü tigní te dlijia, che s'á implí de jënt rovada da indlunch incërch por les ascuté sö, dala Val Badia, mo ince da foradecá. Te n'ora y mesa á les trëi musizistes, acompagnades ala chitara da Raffael Holzhauser, lascé rondení sües usc fines, melodies delicates, mo ince plü da ritm; cianties pop, che mantëgn en pert chëra musicalité tipica dla tradiziun musicala dla munt y dantadöt la merscia che les caraterisëia deplü, lunc y lerch, so lingaz dla uma: le ladin.


Deplü tla ediziun stampada d'La Usc, che vëgn fora en vëndres ai 16 de setëmber.   (kp)