La Usc di Ladins

Le titul dla mostra tla ciasa Wassermann a Niederdorf é "scultöra desco proiet", al passenëia bun por les trënta operes metüdes fora te na sort de antologia de vita. I laurs stá por agn al’archirida dla dërta rapresentaziun, dla forma astrata y de n stil personal che nominëia Adolf Vallazta ti libri di artisć dles Alpes, dla Talia y dles coleziuns plü atuales, desco artist dl lëgn y proietant de scultöres y möbli da adoré nia ma por l’ödl. Adolf Vallazza é nasciü dl 1924 a Urtijëi sciöche fi dl feur artistic Hermann y de Amalia Moroder, fia dl depenjadú conesciü Josef Moroder Lusenberg. Chersciü sö tl tiesciü inteletual y artistich presënt te Gherdëna, ál metü man i agn 1960 da mostré sü laurs foradecá: a Milan, a Torino y a Aunejia. Apascioná y cristics d’ert s’interessëia de ël y sü laurs, danter chisc Giorgio Mascerpa, Garibaldo Marussi, Giuseppe Marchioori y Paolo Viti. I agn 1970 laorel cun le fotograf artistich Gianni Berengo Gardin, che publichëia i totems te na dimenjiun mitica y spirituala de morvëia.

Liéde inant deplü tla ediziun de La Usc di Ladins de chësta edema!