La Usc di Ladins

Insciö ciarâ fora n de da doman le banch tl ciamp dal sport da San Linert, olache i mituns y les mitans dla scora elementara vá a fá la palsa. Mo tl ciamp dal sport ne vál nia ma i scolars y les scolares. Domisdé él ince tröc jogn y jones che vá a soghé al palé, a tennis y tl skatepark. Ai stá deboriada, se bocolëia y se bër valch. Iló dlungia él pö condles. Ciodí pa nia sciuré ite iló le refodam, me damani. I ne crëii nia che i geniturs, y ince i insegnanc, ne ti ais mai insigné che an ne dess nia sciuré le ciomënt ia por tera. Cis aldedaincö, che al vëgn tan baié de sostenibilité, de respet oor l'ambiënt y de racoiüda desfarenziada. Mo al n'é dagnora de chi che ne ascuta nia y che ne olga nia, desmostran pücia cherianza y püch respet ti confrunc de chi che oress se senté sön chël banch y sambëgn ince de chi che mëss spo romené sö.  (kp)