La Usc di Ladins

La Müjiga da La Ila á stlüt jö n ann plëgn de ativités cun la sentada generala tignida la sabeda ai 14 de jená. La reuniun á metü man cun le salüt da pert dl presidënt David Bernardi, che á saludé düc i mëmbri y á splighé l’andamënt dla reuniun.

N ann rich y na musiga motivada
Le cassier Julian Pizzinini á spo porté dant süa relaziun tl detail, spligan düc i movimënc de cassa che é gnüs dant dl 2022. Tratan chësc ultim ann se á la musiga conzentré dassënn sön investimënc importanc a bëgn dla uniun, sciöche cumpré stromënc nüs, dortoré i guanc y arjigné ca material por le local dles proes. Do la relaziun, che é gnüda aprovada da düc i presënc, ti él spo gnü passé inant la parora por la presentaziun dl’ativité dl 2022 ala scrivana Sabrina Gasser, che á porté dant val' dat informatif sön la Müjiga da La Ila, che cumpëda 30 musicontri, 18 musicontres y 2 mëmbri d’onur: Siur Christian Moroder che s’á lascé ala fin de merz 2016 y Paul Sorarú che é gnü nominé presidënt d’onur. Al é na musiga dër jona: l’eté mesana di componënc é de 33 agn. Tratan l’ann él gnü fat apresciapüch 44 proes, 17 conzerc y rapresentaziuns y 5 iadi se á senté adöm le consëi. Chisc numeri recorda cun ligrëza i tëmps dan la pandemia, y de chël él döta la uniun contënta.

Deplü podëise lí tla ediziun stampada d'La Usc di Ladins dl vëndres ai 10 de merz.