La Usc di Ladins

Sciöche tröpes d’atres classes á bele fat chësc altonn, s’á ince chi dl 1943 de Mareo abiné por rengrazié y festejé deboriada la eté torona de 80 agn. Passa na desëna á tut sö l’invit da rové ai 12 d’otober danmisdé a La Pli, olache al é sté le ploan siur Klaus Sottsas che á dit la mëssa, che é stada na ocajiun dantadöt por rengrazié de ci che la vita á scinché, por perié che la sanité pois daidé inant ti agn che gnará y ince por recordé chi che n’é incö nia plü danter nos. Do la pert religiosa ésera jüda inant cun aurela cörta, olache le grup é spo jü deboriada fora Sares, olache al é sté por düc na buna marëna en compagnia, y por chi che á orü ince na ocajiun da jí a dí na oraziun tla picia dlijia cun la Santa Maria Foscia. Por chi dla classa él indô sté bel da rové adöm, y an spera che ara garetes indô n iade ince tl dagní. Ad multos annos!  (pablo)