La Usc di Ladins

Chësta publicaziun vëgn tuta sö dales mëdes y da berbesc dla Ciasa de Pasa dagnora cun gran ligrëza, deache ara ti sporj tröpes ores d’aurela cörta y romagn fora por döt l’ann n bun compagn. Cis la pert dles fotografies vedles incoriosësc les leturies y leturs plü atempá. Chëstes i porta zoruch tl tëmp y descëda sö n gröm de recordanzes a porsones che ai á ciamó conesciü o a avenimënc olache ai é magari ince instësc stá protagonisć. Le Calënder Ladin é insciö öna dles publicaziuns plü ciarades y lites y ara ne podess porchël mai mancé söles scafes dai libri dla Ciasa de Palsa. Al’EPL y a so presidënt Iaco Rigo i vál porchël da pert dla Ciasa de Palsa y de sü leturs n gran dilan por avëi ince en chësc ann ciafé puntualmënter chësc liber! (Ciasa de Palsa San Martin de Tor)