La Usc di Ladins

En sabeda, ai 11 de ma, él gnü a se le dé la jita por la gran familia di ministranc y dles schires joniles dla Val Badia, metüda a jí dai responsabli dl decanat cun le sostëgn dl Sorvisc ai Jogn Val Badia. L’organisaziun n’é nia stada da püch, sce an pënsa che al á tut pert bëgn 187 mituns y mitans deboriada cun 33 acompagnadus y acompagnadësses. Indöt se á metü söl iade 220 porsones partides sö te 4 corieres, che é piades ia bele dales 6:30 da doman da söinsom la Val Badia, cuntra Castelnuovo del Garda (VR). Rová sön le post, á vigni paisc partí sö i partezipanc te deplü grups aladô dl’eté y dla grandëza – él pö ince da respeté pro n valgügn jüc na altëza minima. Ince le tëmp á daidé para cun n cil bel bröm y na temperatöra cialdina. Insciö á vignun podü se gode n bel de y porvé fora i jüc plü desvalis, porvan ince l’adre­ nalina sön chi plü impegnatifs sciöche le Blue Tornado, l’Oblivion y le Raptor. (Elisabeth Penazzi)