La Usc di Ladins

Ince en chësc ann á la Crusc Blancia dl Alta Badia tigní süa sentada generala, ciaran zoruch al ann 2023 che é sté implí cun tröc intervënc y n gran numer de sorvisc sanitars tratan deplü manifestaziuns fora por l’ann.
Tl ultim ann él gnü pormez indöt 8 volontars nüs y 3 volontars á lascé. Insciö á la seziun dl’Alta Badia metü man l’ann 2024 cun le bel numer de 89 volontars. Chisc á fat tl 2023 bëgn le 56% dles ores de laur fates indöt tla seziun. Ince tl 2023 é i trasporc indô aumentá a passa 3.000; pro chisc él gnü fat 1.393 intervënc de pröm aiüt, che fej fora na mesana de 116 intervënc al mëis.
Un di momënc plü bi dla sentada generala è dessigü la surandada dles onoranzes por mëmbri che fej bele pert dla uniun da plü dî. En chësc ann ál podü gni onoré particolarmënter tröc volontars, cun la surandada de bëgn 11 onoranzes. (Crusc Blancia Alta Badia)

Deplü sön la sentada generala ciafëise t’La Usc di Ladins dl 31 de ma