La Usc di Ladins

Ai 9 de jügn, en la festa dl Cör de Gejú y dla segra dl paisc, él sté gran festa a San Ciascian. Al é gnü festejé le iubileum de 60 da prou de siur Heinrich Ellecosta, nasciü a La Pli de Mareo. Bele la sabeda, en la vëia dla festa, él gnü fat iluminaziun dl paisc. Canche al é gnü scür, podôn odëi les ciases bel iluminades y decorades, infornides cun de bi trasparënc, iluminades cun löms y lomins. Ince la Crusc di Patri, che s’avërj sö sura San Ciascian, ê ilominada por la ocajiun. L’üsc de dlijia y la porta de calonia ê infornis sö cun dascia y röses de papier blances y gheles.
La domënia da doman s’á la comunité abiné dales 8:45 dan calonia por acompagné le iubilar te dlijia ala santa mëssa. (Gabi Campidelli)

Deplü sön chësta festa dër garatada y ince la rima al iubilar, podëise lí y odëi t’La Usc di 2 d’agost.