La Usc di Ladins

Ince tl’Alta Badia él gnü metü a jí en Jöbia Grassa deplü de piceres festes en ocajiun dl Carlascé. Sciöche do tradiziun, se vist sö por le de de festa les mitans y i mituns y te n valgügn paisc se lascia les mascheres ince odëi fora por le zënter tres na defilada tratan l’orar de scora. Canche al sona spo la bronsina de scora pó les mitans y i mituns s’incunté domisdé sön les mëndres festes metüdes a jí fora por i paisc. 

A Badia á iniann la Cooperativa Turistica Alta Badia, cun la colabora­ziun dla Schira Jonila de Badia, invié ia na festa pro la staziun a val dl implant portamunt La Crusc 1. Chiló é rovades adöm deplü mascheres por pié do n canifl y passé n domisdé en compagnia. Intratigni­mënt á pité n striun che á porté dant val’ magia y dedô éra gnüda da fá val’ jüch sön les melodies dl DJ. Cun pinel ti á deplü colaboradësses dé ciamó plü corú ala festa, depenjon sö i partezipanc cun vigni sort de moti y tröpa fantasia.


Deplü da lí sön les iniziatives da Carlascé tla Val Badia ciafëise da lí tla ediziun de chësta edema!