La Usc di Ladins

Les diretives tecniches nöies se basëia söla normativa nazionala y europeica en cunt dl ambiënt, dla cualité di materiai y dla segurëza de strades y plazes. Ares tol en conscideraziun cin’ limi de clima, danter i 250 metri y i 2.850 metri sura le livel dl mer (Ju de Stilfs). Danter les novités él ince la poscibilité da adoré asfalt de recuper, material de reziclaje sciöche le saurun fresé da asfalc y mantí de strades y plazes vedli. Na novité reverda ince la previjiun y metüda de asfalc lominusc por les galaries y i tuní, y ince func mec-groi. Les diretives tecniches comporta na importanza relevanta sides por les firmes co por les aministraziuns. De fat tira dant chëstes diretives, en caje de malinterpretaziuns y conflit, sön düc i atri documënc y söles atres normes dla Provinzia che trata chësta materia. Les diretives é früt de na colaboraziun dla Provinzia de Balsan cun la Université de Ancona, che fornësc la consulënza scientifica söla basa de proes fates i ultims cater agn y le savëi geologich y tecnich.  (Iaco Rigo)