Vangele dla Domënia

Data

18 de setember 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Domënia 18 de setëmber 2022
Dal Vangele do San Lüca 16, 1–13
Te chël tëmp á Gejú dit a sü discepui: »N ël rich â n aministradú. Chësc án incolpé dan da d’ël, che al spaterlass ia so avëi. Sön chëra l’ál fat cherdé y ti á dit: Ci aldi pa porsura te? Dá cunt de tüa aministraziun! Te ne pos nia resté inant mi aministradú. Dailó á l’aministradú ponsé sura: Mi patrun me tolará l’aministraziun. Ci dessi pa spo fá? Por n laur pesoch ne veli nia, da jí a petlé me dodi. Impó – i sá ci ch’i mëssi fá, che la jënt me toles sö te sües ciases, canch’i sará desmetü sciöche aministradú. Al á cherdé adalerch i debiturs dl patrun, un indolater, y á damané le pröm. Tan ti este pa de debit a mi patrun? Al á respognü: Cënt barjí d’öre. Y al ti á dit: Tol to scrit de debit, sëntete atira y scrí »cincanta«. Spo ál damané n ater: Tan este pa tö de debit? Chël à respognü: Cënt sac de formënt. Y al ti á dit: Tol to scrit de debit, y scrí »otanta«. Y le Signur á laldé la furbizia dl aministradú dejonëst y á dit: I fis de chësc monn é cun chi de süa sort plü furbi co i mituns dla löm. I ves diji: Fajesse amisc cun l’aiüt dla richëza iniüsta, por ch’i gnëise tuc sö tles abitaziuns eternes canch’ara jará cun os a fin. Chël che é de parora tles pices cosses, chël l’é ince tles granes, y chël che fej de tort tles plü pices cosses, chël le fej ince tles granes. Sc’i ne sëis nia stá de parora tla richëza iniüsta, che ves confidará pa spo la dërta richëza? Sc’i ne sëis nia stá de parora cun la proprieté di atri, che ves confidará pa spo osta dërta proprieté? Degun stlâf ne pó sorví dui patruns; o che al ti ará le sënn a un y ti orará bun al ater, o che al tignará da un y desprijará l’ater. I ne podëis nia sorví intrami, Idî y le mámonn.« Parora dl Signur. – Lalt a te, Gejú Crist!