Ai 21 de forá garatarál indô la gran defilada da Carlascé a Al Plan de Mareo. La Cooperativa Turistica inviëia da s’arjigné ca y gní a fá para
Dui agn él tomé fora la gran defilada da Carlascé a Al Plan de Mareo. Iniann garatarára finalmënter indô, plü avisa en vëia de Capiun, le mertesc ai 21 de forá dales 14:00. La Cooperativa Turistica se conforta a chësc evënt y inviëia bele sëgn la jënt dla valada da gní fá para: families, grups, uniuns, classes, compagnies y ince porsones singoles. An informëia bele sëgn, por che la jënt ais tëmp assá da s’arjigné ca y pastlené guanc originai o forsc ince
View the embedded image gallery online at:
https://www.lausc.it/manifestazions-y-evenc/22473-manifestazions-atuales-speziales#sigProId6ef08ad79f
https://www.lausc.it/manifestazions-y-evenc/22473-manifestazions-atuales-speziales#sigProId6ef08ad79f
Les iscriziuns ala defilada cun pesć gnará spo tutes sö en chël de, da misdé inant.
Curs de Telemark a La Ila
N curs por prinzipianc y progredis. Trëi sëres de forá, sön la pista »Doninz« a La Ila
La Uniun Sport La Ila–seziun telemark, mët a jí n curs de telemark por prinzipianc y progredis. Tó pert pó düc chi che á interes da vaghé les prömes otes te chësc sport. Le pröm iade vëgn le curs tigní en mercui ai 15 de forá dales 20:00 ales 22:00, sön la pista »Doninz« a La Ila. Le curs vá spo inant ciamó dui iadi, le mercui ai 22 de forá y le mercui al 1. de merz, tres dala medema ora. Le cost é de 60,00€ (+20,00€ che vá sciöche iscriziun al’Uniun Sport La Ila). Les iscriziuns vëgn tutes sö pro Arthur tres Whattsapp al 329 8627658.
Walter Moroder – »tl nia«
La galaria Doris Ghetta nvieia ala mostra nueva de Walter Moroder, dal titul »Tl nia«
La giaurida ie n sada ai 11 de fauré dala 18:00 a Puntives tla Galaria Doris Ghetta. Nce l artist nstës sarà prejënt. Tres si scultures de persones de grandëza naturela y na seria nia publicheda de dessënies sun papier ie la nstalazion partida su te doi pertes, che nvieia i:la vijitadëures a se cunfrunté cun l’essënza dla persona.
La mostra sarà da udëi nchin ai 21 de auril.
Garejeda de slalom lerch FIS Jëuni
L Schi Club Gherdëina mët a jì n duman, sada ai 4 de fauré, na garejeda de slalom lerch FIS Jëuni sun Piz Sela te Sëlva
La garejeda de slalom lerch ie per la categuries aspiranc y junior, mutans y mutons. L fajerà pea i:la miëures de Südtirol, ma nce atlec:tes de de plu nazions. Dala 9:15 iel la prima manche y dala 12:00 la segonda, for sun Piz Sela.
La premiazion sarà ntëur la 13:30 sun Plan de Gralba. Duta la jënt apasciuneda de schi ie nviei de cuer a unì a ti cialé ai campions y ala campiunësses jëuni:es.