La Usc di Ladins

Al scomenz de aost, l comun de Moena à metù fora regoles neves per portèr a spas i cians te paisc. Na comunicazion che vel envièr sentadins e ghesć al respet de na bona convivenza anter persones e besties da compagnia. »L obietif de chesta racomanazions - se lec sul comunicat – no l é chel de mudèr la routine di patrons di cians ma chel de valorisèr l respet e prevegnir situazions de dejèje«.

Ampò, l tem no l revèrda demò l spazie publich. Ence l setor turistich se troa a fèr i conc con doi domanes desferentes: da na man chi che viaja con sia besties e chier strutures che les posse i azetèr, da l’autra, chi che preferesc na vacanza te n ambient zenza besties. Aon rejonà con doi hotelieres de Fascia che à tout su direzions desferentes per capir coche chest muda l’organisazion e l raport coi ghesć. Esperienzes desferentes, ma con n pont comun: l’ospitalità. Che se trate de tor ite besties o de aer na politica ‘pet free’, vigni strutura à sia motivazions. Chel che conta l é troèr n equilibrie anter i besegnes de chi che viaja con sia besties e chel che pel sporjer na strutura acioche la vacanza sie de garat per duc tel respet de la bona creanza e, naturalmenter, de la regoles.

L’Apt de Fascia ne disc che anter la strutures sozies, 415 les azeta besties da compagnia e en particolèr 22 de chestes les met en esser n spezifich disciplinèr ‘pet friendly’ con n servije più aut. Co vegnela vivuda, te la pratega, chesta cernia? Che velel pa dir avisa esser na strutura ‘pet friendly’?

Aon rejonà con Cinzia Brunel, che dessema a sie om Massimiliano Grisanti, i mana inant na strutura de familia che tol su cians e de autra besties da compagnia e con Rosa Carpano che à dezidù de no tor ite cians e giac te sia strutura.

Dua doi la intervistes su La Usc stampèda de en vender ai 4 de setember del 2026 



 (Cinzia Pistoia)