L’é sun desch n auter numer de Filoreflex

Data

19 de jugn 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La redazion de la Scola Ladina de Fascia se à dat jù col tem de l’alimentazion, veduda da n muie de ponts desferenc e tolan ite ence i letores
L’é ruà a piz ence n auter an de scola e per fenir sù en legreza la redazion de Filoreflex à prejentà l numer 8 del sfoi de la Scola Ladina de Fascia.

Chest numer l’à per argoment l’alimentazion, n tem n muie avert che i studenc à tout dant da desvalives ponc de veduda. La magnadiva defat no l’é demò chel che se troon te piat, ma ence dut chel che stèsc dò via, e l nutriment no cogn esser per forza demò chel per l corp, ma ence chel per l spirit.

La magnadiva la é coscita emportanta percheche l’é l carburant de nosc corp – scrif Erika Brigadoi te la prejentazion – la ne dèsc energia, forza e te vèlch cajo ence consolazion. Ma rejonèr de alimentazion vel dir rejonèr ence de tragedies e problemes grieves, tant a livel de ambient che a livel uman.

La neva edizion de Filoreflex se verc con la rubrica »Poliné« olache Desideria Defrancesco porta dant na enrescida che l’é stat fat te anter i studenc di licees per veder colun che l’é so piat preferì. Volede sar colun che l’é?

De chest, ensema con n muie auter sui argomenc touc dant da chest bel numer de Filoreflex, podede lejer su La Usc stampèda de vender ai 18 de dezember. 

L numer vegn dat fora debant e se pel l domanèr te Scola o te la redazon de La Usc di Ladins a Sèn Jan.  (Monica Cigolla)