La Usc di Ladins

Ciao a duc, sion indò chiò insema e descheche ve aee anunzià la setemèna passèda scomenzon col segn del Cancher te la fasa che chèla. L é de èga, foa e carboidrac te chel che ge dèr èga a la pian­tes te majon l é na gran bona idea ence perche­che l é vera che de fora l é freit ma te majon sciudon bel polito che sie con sporèrt, muscia o termosifon e bon de spes i vajoi i é sui bancai de la fonestres olache te sot l é n radiator che sciauda e coscita se sia fora la tera più che d’istà. Bagnali polito donca – zenza i arneèr – che te chisc segnes ge sà bon. Descheche é dit podede tor la foes per fèr de bie lurieres coi bec ajache les mantegnarà sie colores. Noscia Luna zacan é peconta di fac. Dotrei picoi conseies en cont de chest donca. Per neteèr la ceramiches te cescio podassède ve servir de na peza mola de such de limon per do i salansèr e i sièr delvers. Per l sbrosc dai dents nia deida più che l bicarbo­nat. Ve bastarà lascèr l sbrosc en smoi te n bicer de èga e n scuier de bicarbonat per duta la net. (A cura de Gladia Debertol: gladialuna@yahoo.it)

De plu tla edizion stampeda de La Usc di Ladins o sun l e-paper a paiament www.lausc.it/e-paper