La Usc di Ladins

Podessa someèr n lurier da nia chel de alenèr i picoi, e manco picoi, bec tel sport, ma no l'é coscita. La vita de arcedador la va dessema a chela de formazion e, apontin te chest temp, la Scola del sport del CONI à metù a jir n cors ressevà ai alenadores di sport su la giacia, cors de prum livel per l'hockey e bal sui feres con la direzion de la FISG (Federazion Talièna Sport de la Giacia).

N cors pissà amò dant de l'emergenza coronavirus e che l'à cognù mudèr sia modalità, sessaben, zenza l met de binèr ensema i 91 partezipanc te n'aula.

A tor pèrt l'é stat ence fascegn. Apede a la arcedadora de bal sui feres de l'Artistico Fiemme Nicole Daberto, l'é stat 3 joegn arcedadores di Falcons, Matteo Iori, Michele Lazzer e Daniele Verra, che i à cernù de jir inant con la formazion scomenzèda tel 2018 col titol de Maester de Basa, fegura envièda via del 2015 te l'ambit de la reorganisazion del pian di studies di corsc federèi de duc i livìe.

De più su la Usc nr 21 stampèda ai 29 de mèrz  (DV)