La Usc di Ladins

Sön l'Abetone él chisc dis, dai 27 de merz cina ai 2 de aurí, le trofé »Pinocchio«, competiziun söi schi dedicada a atlec da döta la Talia dai 8 cina ai 15 agn.
Le lönesc ai 27 de merz él sté les gares de slalom por la categoria »jonins« (U14) y de slalom lerch por i »aliefs« (U16). David Castlunger á fat le miú tëmp y é insciö rové sön le scalin plü alt dl podest cun le tëmp de 1'33.17, baton Michele Massarenti (SC Edelweiss) che é rové 2., y Lorenzo Gerosa (SC Radici Group) che é rové 3.
Tla categoria »jonins« á ince de Arianna Putzer dl SC Gherdëina fat n bun plazamënt, rovan al 17ejim post. Tl slalom lerch dla categoria »aliefs« é Fabio Grossrubatscher (SC Gherdëina) rové al 15. post. Camilla Vanni (SC Druscié) é rovada al 3. post y Rita Granruaz dl ST Alta Badia é rovada 18ejima.

Atlec ladins dancá
Le mercui él spo gnü desfiré le slalom lerch dla categoria »jonins« y le slalom strënt di »aliefs«. David Castlunger é rové al terzo post cun le medemo tëmp de Luca Loranzi (Sporting Club Campiglio), Luca Merler (SC Gherdëina) é rové al 16. post, Andrea Salvati y Zaccaria Trevisan, tramidui dl SC Druscie é rová 17. y 22. Tla categoria feminila é Giulia Alverá dl SC Cortina rovada al 2. post, Marie Oberhofer (SC Gherdëina) é rovada al 12. post.
Le slalom di »aliefs« é gnü davagné, tla categoria feminila, da Martina Sanin dl Kronplatz Ski Team Asv, Rita Granruaz dl ST Alta Badia é rovada al 6. post, Camilla Vanni dl SC Druscie é rovada 7., Maria de Nardin y Virginia Costa dl SC Gherdëina é rovades al 14ejim y 18ejim post. Swami Fiorot dl Ski Team Fassa é rovada 17ejima. Le slalom maschil é gnü davagné da Edoardo Baldo dl SC Cortina, Vittorio De Pieri di SC Druscie é rové al 8. post.

Gares internazionales
La jöbia y le vëndres, ai 1 y 2 de aurí, sarál spo ciamó sön l'Abetone les gares finales internazionales.

 (kp)