La Usc di Ladins

"Ie te dei chësta cherta che sei che te plej, ma tu me des perchël chël'autra che chiere bele plu giut...". 
Chësc àuden for inò pra ancuntedes de culeziunisć, ancuntedes coche n dumënia passeda tla Cësa di Cungresc de Urtijëi. Sambën ne vëniel nia mé baratà, ma nce vendù y cumprà; l tleca fé ora l priesc. Ala fin se abìnen pa bën nzaul a mez ite, acioche dui doi ie cuntënc. Aldò dl presidënt dla Lia di Culeziunisć, Pauli Senoner Gredine, iel mé plu puec luesc ulache l vën mo metù a jì de tei dis de barat. Doi iedesc al ann a Lana, un n iede a Eppan y mo chësta ancunteda te Gherdëina, deplù ne n'iel nia plu te Sudtirol, nes à fat al savëi l presidënt dla lia. "Dan 20 ani ne fòvel mo danter 15 y 20 ancuntedes. Nëus fajon inant ajache speron de ti fé unì la ueia ai jëuni de scumencé a baraté, a crì velch che ti sa nteressant, pona iel unfat sce l se trata de boles, chertes, munëides o vel' d'auter".

SPM

Dut l articul pudëis liejer tla edizion nueva de La Usc di Ladins che vën ora chësc vënderdi ai 26 de setëmber.