L ne fova plu deguna lerch da se senté tla gran sala dla Cësa de Cungresc y trueps à messù sté mpe. Sëni che l trafich sun i jëufs ie na cuestion sentida, nia mé dai Vërc. Te sala fòvel d'uni sort de jënt, jënt de uni età y da duta la valeda, dai artejans y sculeies nchin ai osć. La sëira de discuscion dal titul "Massa trafich sun i jëufs. Y śën?", che ie unida metuda a jì dala Lia da Mont dl Sudtirol – AVS y dala Lia per Natura y Usanzes ie stata n suzes, almanco dal pont de ududa dla jënt. Dal pont de ududa de resultac cuncrec n cont de co smendré l trafich, se n ie mpo n valguni jic a cësa dubitan, sce l unirà pa śën bën fat velch o no. Chësc, nce sce ala fin à la autoriteies sun l palch bën mpermetù de ulëi tré tres la idea de limité la cumpëida de auti sun i jëufs.
Elisabeth Kostner
L articul ntier tla edizion nueva de La Usc di Ladins de n vënderdi ai 26 de setëmber.
Mantenieis'a chël che ëis mpermetù?
N merdi sëira iel unì metù a jì na discuscion n cont dl trafich sun i jëufs tla Cësa di Cungresc a Urtijëi. L ie unì rujenà y sburdlà via y ca la gaujes. Ala fin, canche n manaciova de jì a cësa a mans uetes, ti à la muderadëura mpomo mo trat ora na mpermetuda ala autoriteies sun l palch
Galaria retrac
View the embedded image gallery online at:
https://www.lausc.it/valedes-ladines/gherdeina/30390-mantenieis-a-chel-che-eis-mpermetu#sigProId538d30a37e
https://www.lausc.it/valedes-ladines/gherdeina/30390-mantenieis-a-chel-che-eis-mpermetu#sigProId538d30a37e
