Sto an, par ra marescia Covid-19, i śoen del club Cisv de Anpezo i no n’à podù moe in śiro par r’Italia e par el mondo, cemodo che i fesc da pi de zincuanta ane. Coscita s’à pensà che i podea fei algo inze ‘l so paes, da stà aduna, da se conosce, da inparà. Anche in Anpezo i é śude drio el projeto Building Bridges de chesta asociazion Children international summer villages. El gnon de chesto projeto el me disc a dute che ancuoi ‘l é da fei su pontes, no mure; i śoen i à biśoin de viaśà, de conosce e de se conosce, de inparà a se voré ben. I pontes i à da pasà via par sora i canee, i confis. Inze chesto projeto ‘l é inze tośate da 11 fin a 18 ane; el Cisv el vó scomenzà con lore, da i fei deentà zitadis co ra testa su ra spales, che i conosce, i vó ben, i precura el luó agnó che i vive. Intrà ousciuda e istade i s’à ciatà cuatro otes, diade da ra sezion de Anpezo del Club alpin, dal Parco de ra Dolomites d’Anpezo e da ra Rochester University. Ra prima ota i é śude su par ra monte de Ra Stua a fei curadizo, aduna co ra guida Andrea Menardi Diornista del Cai e el guardia Manuel Constantini Mostacia.
Deplù te la edizion stampeda.
Algo da inparà intor ciaśa
El laoro del club de Anpezo del Children international summer villages par fei cresce i śoen del paes, co i oce ben daerte sul mondo
Galaria retrac
View the embedded image gallery online at:
https://www.lausc.it/valedes-ladines/anpezo/13245-algo-da-inpara-intor-ciasa#sigProIdb7da511e56
https://www.lausc.it/valedes-ladines/anpezo/13245-algo-da-inpara-intor-ciasa#sigProIdb7da511e56