La Usc di Ladins

L ufizio de ra Postes in Anpezo, da ra fin de el mes de maśo che vien, el sarà un de i prime d’Italia, par el projeto Polis, a ese duto noo, agnó che podarà lourà inze ra aziendes, ra asociazios e i profescionistes. Chesto projeto de Postes à gnon »Spazi per l’Italia« e el vien fato in 250 luoghe, par duta ra rejos. Par chesto i à fato fora duto noo chel luó, con laore par aé un ufizio moderno, digitale, con postazios de laoro, outre luoghe daerte, ‘na sala da se ciatà.
El capocomun anpezan Gianluca Lorenzi Chenopo ‘l à dito: »On acaro de ese intrà i comune agnó che Poste italiane vó portà chesto projeto. Chesto noo servizio el śoa par duta ra comunità e el pó me dià a fei cresce ra nostra economia. No pos fei outro che i dì gramarzé de chesto laoro, che el śoa par dute nos«.

De plu tla edizion stampeda de La Usc di Ladins o sun l e-paper a paiament www.lausc.it/e-paper